✨2025 жыл – мерейтойларға толы тарихи кезең✨
Биыл еліміз үшін аса маңызды үш мерейтой қатар келіп отыр. Бұл – халқымыздың бірлігі мен рухани құндылықтарын айшықтайтын айтулы оқиғалар.
🔹 Қазақстан халқы Ассамблеясының 30 жылдығы – еліміздегі этносаралық келісім мен қоғамдық тұрақтылықтың кепілі болған бірегей институттың мерейлі белесі. Осы жылдар ішінде Ассамблея бейбітшілік пен бірлікті нығайтуда, ұлтаралық татулықты сақтауда маңызды рөл атқарып келеді.
🔹 Ұлы ақын, кемеңгер ойшыл Абай Құнанбайұлының 180 жылдығы – қазақ әдебиеті мен руханиятының биік шыңы. Абай мұрасы – ұлттың рухани тірегі, ал оның өсиеттері – бүгінгі ұрпақ үшін мәңгілік бағдаршам. Абай тағылымын насихаттау – ұлттық сананы жаңғыртудың маңызды бағыты.
🔹 Қазақстан Республикасының Конституциясына 30 жыл – тәуелсіз еліміздің басты заңына айналған Конституция мемлекеттіліктің берік негізін қалады. Ол – азаматтық құқықтар мен бостандықтарды қамтамасыз ететін, еліміздің демократиялық даму бағытын айқындайтын тарихи құжат.