«Медиация – сот жүйесіне балама тәсілі» тақырыбындағы пікірталас
Бүгін«Қоғамдық келісім» коммуналдық мемлекеттік мекемесінің жанындағы этносаралық қатынастарды мониторингілеу және медиация бөлімі ұйымдастыруымен «Медиация – сот жүйесіне балама тәсілі» тақырыбында пікірталас өтті.
Шараға Жетісу облыстық Қазақстан халқы Ассамблеясы жанындағы Этномедиация кеңесінің мүшелері, этномәдени бірлестік өкілдері, Аналар кеңесінің және Ақсақалдар кеңесінің төрағалары, Талдықорған қаласының прокуратурасы өкілдері мен сала мамандары қатысты.
Пікірталас барысында спикерлер медиация институтының даму келешегі мен оны құқықтық тәжірибеге тиімді енгізу жолдарын талқылады. Сонымен қатар, медиацияның қоғамдағы әлеуметтік тұрақтылықты сақтаудағы рөлі мен маңызына ерекше назар аударылды.